Дзень роднай мовы
22.02.2017Багата, родная ты мова.
Давайце не цурацца нашай мовы,
Заўжды на мове роднай размаўляць,
Бо хіба ёсць пяшчотней што, чым словы,
Якія з вуснаў матчыных гучаць.
Я.Багдановіч
21 лютага ў нашай установе адукацыі прайшло свята "Багата, родная ты мова", прысвечанае Міжнароднаму дню роднай мовы, якое падрыхтавала і правяла настаўнік беларускай мовы і літаратуры Гмір М.Д.
Пачалі мерапрыемства хлопчык і дзяўчынка ў нацыянальным адзенні, якія прачыталі верш П.Броўкі “Калі ласка”. На гэтым мерапрыемстве прагучала шмат вершаў, загадак, песен, легендаў на роднай мове. Вучні 1-11 класаў разгадвалі крыжаванкі, успомнілі беларускія народныя прыказкі і прымаўкі. Разважалі над высказваннямі вядомых беларусаў пра родную мову. Свой верш пра родную мову прачытаў настаўнік Казачок В.А.
Пакуль беларускае слова гучыць ад матчынай калыскі з вуснаў тых, хто ідзе за намі, наша мова будзе жыць.